Ndryshe nga e ëma dhe e motra, Agnesa Hadërgjonaj nuk ka zgjedhur rrugën e muzikës, por atëtë organizimit të eventeve dhe projekteve në Shqipëri.
Agnesa është e martuar dhe është nënë e vogëlushes me emrin Elektra.
E ftuar në një intervistë për rubrikën “Dikush” në “Gazeta Shqiptare” ajo ka rrëfyer se edhe përse është bërë nënë, nuk lë pas edhe kënaqësitë me mikeshat. Ndaj shpeshherë është bashkëshorti i saj që kujdeset për të voglën, ndërsa ajo del me shoqërinë.
Mirëpo Agnesa e kishte tepruar një herë me orarin dhe i shoqi i kishte mbyllur derën në fytyrë.
“Më ka ndodhur një herë, isha me shoqen time Ketrinën dhe dolëm për darkë në orën 8 dhe përfunduam në shtëpi në orën 3 të mëngjesit. Burri im erdhi të hapte derën dhe ma mbylli, më pas e hapa vetë, por është shumë i qetë dhe shumë i kuptueshëm.”, tregoi Agnesa duke qeshur.
