Aktori i njohur turk Burak Özçivit, i cili u vendos në qendër të kritikave pas fotove të postuara me aktorin hollivudian Kevin Spacey, ka reaguar në rrjetet sociale.
Kritikat erdhën pasi Burak kishte publikuar disa foto me Spaceyn-n, i cili është akuzuar më shumë se një herë për abuzim seksual ndaj fëmijëve. Aktori, madje është hedhur edhe në gjyq.
Burak Özçivit ka sqaruar se ka mësuar vetëm së fundmi për akuzat ndaj Spacey për abuzimin seksual të fëmijëve. Në një postim në rrjetet sociale, protagonisti i serialit “Osmani” ka shprehur hapur kundërshtimin e tij ndaj kësaj çështjeje.
“Lidhur me ketë temë kaq të ndjeshme dhe të trishtuar e kam marrë lajmin me vonesë. Jam thellësisht i trishtuar nga kjo dhe bëra menjëherë atë që ishte e nevojshme. Dua t’ju bëj të ditur se unë jam absolutisht kundër kësaj çështjeje. Kjo ndjeshmëri ka qenë e tillë deri tani dhe kështu do të jetë edhe tani e tutje. Mos jini aq të ulët sa të përpiqeni të përfitoni nga çështje të tilla të ndjeshme”.
Özçivit e fshiu foton e shkrepur me Spacey gjatë ndeshjes së Kupës së Botës në Katar, pas reagimeve të forta në Instagram ku ndiqet nga 22.5 milionë ndjekës, mes tyre edhe shumë shqiptarë.
