Mbrojtësi kuqezi Elseid Hysaj, u konsiderua nga tifozët si fajtori i golit të dytë të Italisë në ndeshjen kundër Kombëtares shqiptare. Hysaj u përball me kritika dhe ‘meme’ pas një veprimi të tij gjatë ndeshjes kundër Italisë. Hysaj uli kokën në golin e dytë të Italisë, veprim që nuk është pritur mirë nga tifozët shqiptarë. Teksa Barrella po dërgonte topin në rrjetë, në vend që ta ndalonte, Hysaj ul kokën dhe…Italia shënon. Pas gjithë reagimeve të cilat më së shumti ishin negative dhe kritikuese për futbollistin, vetë Hysaj në një postim të tij në rrjetet sociale, të cilat i mbylli përkohësisht, ka ‘thyer’ heshtjen.
Mbrojtësi i Kombëtares ka reaguar me anë të një story në profilin e tij zyrtar në “Instagram”, ku i ka kërkuar falje të gjithëve për veprimin. Lojtari shkodran deklaron se i pranon të gjitha kritikat me vetëdije dhe shprehet se lëvizja e tij ishte një gabim teknik dhe instiktiv.
“Pas ndeshjes me Italinë dhe evenimenteve të fundit, ndjej ti kërkoj ndjesë të gjith tifozave shqiptar për gabimin teknik dhe instiktiv që shkaktoi golin e dytë qe pësuam. Është e tepërt të specifikoj që ishte pikërisht gabim loje dhe vlerësim i rremë i trajektores! Kush më njeh e din mirë që do jepja çdo forcë që kam e do bëja ëdo sakrificë për këtë bluze, siç kam bërë gjithmonë. Më vjen keq për strumentalizimin pa vend nga shumë persona të gabimit përtej vlerësimit teknik. Nga ana tjetër falenderoj përzemërsisht të gjithë tifozat e panumërt që më kan dërguar mesazhe konfortimi në forma të ndryshme. I pranoj me vetëdije kritikat dhe keqardhjen e tifozave anë e mbanë, të cilët pa përjashtim i mbaj në zemër. Tanii të koncentrohemi te ndeshjet e ardhshme dhe forca Shqipëri gjithmonë,”-shkruan Hysaj.
