Sindi Loci ishte një nga konkurrentet më të përfolura të sezonit të dytë të “Për’Puthen”. Shpesh herë ajo ka dalë në deklarata të ndryshme ku është shprehur se në emision nuk është ndjerë mirë nga ana emocionale. Por fama e arritur nga programi e ka bërë Sindin shënjestër të komenteve nga publiku. Në një Q&A në Instagram ish-konkurrentja nuk i ka kursyer përgjigjet duke nisur debate me fansat e saj. Ka komente të shumta ku thuhet se famën që ka, arriti ta merrte nga programi pasi ndryshe nuk do të ishte e njohur sot.
Një ndjekës i ka vënë në dukje gjatësinë e saj, ndërsa Loci e ka marrë më shumë sportivitet duke iu përgjigjur se ka një gjatësi me Kim Kardashian, e cila sot konsiderohet si femra më seksi.
“Gjysmë metri e qofte je o yll”, i shkroi ndjekësi.
“Hahahahahaha sa Kim Kardashian pra 1.58… Kot nuk është konsideruar si femra më sexy. Vetëm se unë jam pa operacione”,– iu përgjigj ajo.
“Të ishe si Kim Kardashian aq e suksesshme s’do më vinte keq, po ti je bërë e famshme nga ‘Për’puthen’ se të ishe për ty asnjë s’do të njihte”– i ka shkruar ndjekësi.
“Kim Kardashian është bërë e famshme nga një sex tape i saj që ju publikua nga një i afërm i Michael Jackson asokohe i dashuri i saj. Dhe kjo ka ndodhur në 2007. Më vonë të gjithë vëmendjen nga ky skandal (zgjuarsia e asaj familje) e përdorën që të shfaqnin veten e tyre dhe talentet e tyre sot 15 vite më vonë janë yje! Unë kam dalë nga ‘Për’puthen’ ashtu si shumë ikona të televizionit shqiptar mund të kenë dalë nga të qenurit velina në televizione si Fiks Fare, më prisni dhe mua nja 15 vite se jam e sigurt që do të më duartrokasin fort. Mirupafshim zemra ime”– i është kundërpërgjigjur Sindi.
