Në fillim të muajit gusht, në parkun “Gërmia” në Prishtinë do të mbahet festivali i famshëm “Sunny Hill”, i cili do të mbledhë nga shtete të ndryshme yje me famë botërore.
Këtë vit, pjesë e këngëtarëve të famshëm që me siguri do të ndezin skenën me performancat e tyre, do të jetë edhe shqiptarja Dua Lipa,e cila na ka bërë të gjithëve krenarë nëpër botë me sukseset e saj.
Vetë babai i Duas, Dukagjin Lipa, konfirmoi në emisionin “Ora 7” në “Klan Kosova” se vajza e tij do të jetë e pranishme në këtë event të famshëm që do të mbahet në datat 2, 3 dhe 4 gusht.
Kujtojmë se Dua rikthehet në festival pas 3 vitesh, si fituese e 2 çmimeve “Grammy”, të cilat kanë shënuar një ngjitje të madhe në karrierën e saj.
Kujtojmë se këto ditë këngëtarja është kthyer në kryefjalën e mediave për shkak të lidhjes së saj me vëllain e motrave Hadid, pas ndarjes me Isaac Carew. Çifti i ri është fotografuar shpesh në momente intime dhe pavarësisht kritikave të fansave, Dua duket se po e shijon në maksimum romancën e saj të re.
