Vazhdojnë telashet për sulmuesin argjentinas të Barcelonës, Lionel Messi-n.
Ylli i Barcelonës nuk ka arritur t’i shpëtojë akuzave për evazion fiskal, teksa Gjykata Supreme në Spanjë konfirmoi dje dënimin me 21 muaj burg të dhënë në 2016-n nga Gjykata Rajonale e Barcelonës.
I ati i futbollistit, Jorge Messi, ka përfituar një ulje dënimi teksa Gjykata Supreme vendosi masën prej vetëm 15 muajsh burg.
Gjithsesi argjentinasi nuk do të burgoset pasi dënimet deri në 2 vjet me vendim të gjykatës, mund të konvertohen në lirim me kusht për aq kohë sa i dënuari nuk ka kryer krime të tjera.
