Mediat sociale “kanë shpërthyer” në komente pas shpërndarjes së disa fotografive të gjuajtësit turk Yusuf Dikeç, i cili gjatë garës me pistoletë ajorore 10 metra në Lojërat Olimpike të Parisit 2024 u shfaq pa asnjë pajisje mbrojtëse dhe me duar në xhepa fitoi medaljen e argjendtë.
Me Jusufin, njerëzit ishin të impresionuar për arsye shumë të ndryshme pasi ai u shfaq për të gjuajtur pa asnjë lloj syze , përveç syzeve të tij të rregullta.
Tashmë, gjuajtësi ka folur për herë të parë që kur u bë sensacion online.
Kuptohet se Jusufi ishte i gëzuar pas medaljes së tij dhe të ekipit të tij dhe premtoi se do të kthehej po aq mirë në Los Anxhelos për Lojërat Olimpike 2028.
Ai tha: “Jam shumë i lumtur për pesë Lojërat Olimpike . Ne ishim shumë të fortë sot në garën tonë”.
Në vijim ai deklaroi se nuk kishte nevojë për pajisjet e nevojshme pasi është një qitës natyral.
“Nuk kisha nevojë për pajisje speciale, jam një gjuajtës natyral”.
Dhe në një deklaratë tjetër ai shtoi: “Suksesi nuk vjen me duart në xhepa”.
Paris 2024 është dalja e pestë e Jusufit në Lojërat Olimpike, dhe ndërsa ai nuk kishte asnjë pajisje të dukshme, ai kishte veshur tapa të verdhë për të ndihmuar në mbylljen e çdo tingulli shpërqendrues. Ai është një sportist i sprovuar, pasi ka qenë edhe kampion evropian edhe bote.
