Pak ditë më parë, Shqipëria u trondit edhe njëherë nga realiteti i hidhur në të cilin jetojmë.
Nuk ishte një vendim i lehtë që “Iconstyle.al” të ishte transparent me ju dhe t’ju tregonte videon që po qarkullonte tek gjithkush në Whatsapp dhe të gjithë po shihnin “krimin” e ndodhur në Librazhd.
Vetë ‘nusja 20-vjeçare nga Librazhdi’ dha sot një intervistë për emisionin “Me zemër të hapur”, duke treguar versionin e saj të historisë.
Fillimisht, ju përmbledhim çfarë ndodhi:
Vjehrri dhe vjehrra kishin ruajtur nusen e djalit të tyre që ndodhej në emigrim, pasi dyshonin se ajo tradhtonte bashkëshortin. Kështu, ata njoftuan fisin dhe u mblodhën në shtëpinë e nuses, për ta kapur mat me të dashurin e saj. I hynë në dhomë dhe i gjetën të zhveshur, vjehrri i përvishej nuses me një shkop në dorë ndërsa vjehrra i tërhiqte batanijen për ta treguar të zhveshur para burrave të fisit që kishin ardhur si dëshmitarë. Në të njëjtën kohë, kunati e filmonte për t’ia treguar pamjet të vëllait.
Një gjyq i ashpër iu bë vajzës në fjalë, ndërsa i dashuri i saj shprehej “Për zotin nuk dija gjë”, për faktin që ajo kishte qenë e martuar.
U fol se vajza 20-vjeçare që kishte tradhtuar bashkëshortin në emigrim, u qeth nga vjehërrit, u la e zhveshur e madje shkoi në psikiatri.
Megjithatë, ajo ka folur vetë në emision duke treguar versionin e saj, teksa pretendon se atë natë kishte qenë nën efektin e lëndëve narkotike dhe nuk mbante mend asgjë. Ajo kishte një muaj e gjysmë lidhje me të dashurin e saj, ndërsa të dy kishin pasur përballje fizike me familjen e burrit.
Me këtë të fundit, ‘nusja e Librazhdit’ ishte e martuar prej tre vitesh, ndërsa bashkë kishin qëndruar 1 ditë pas martese dhe 1 muaj kur ishin martuar. Pjesën tjetër të kohës ai kishte qënë në emigrim kurse ajo i shërbente vjehrrit dhe vjehrrës.
20 vjeçarja ka treguar se atë natë pasi kishte konsumuar darkë, kishte ikur të shtrihej me djalin që shkoi në dhomën e saj rreth orës 22:00 dhe aty kanë ardhur familjarët e burrit me shkopinj.
Ajo insiston se i kanë dhënë diçka të jashtëligjshme, sepse nuk mban mend asgjë nga ajo natë dhe i kujtohet se në spital kishte dhimbje trupi.
Gjithashtu tregon se i ka kërkuar burrit ta marrë me vete në Gjermani por ai nuk ka pranuar, teksa shton se nuk është hera e parë që ka përballje fizike me familjen e burrit.
Pjesë nga biseda:
Nusja: Prej 3 vitesh e martuar. Më mbushën mendjen dhe nuk e dija se çfarë do të ndodhte më mbrapa. Familja e burrrit dhe babi im ma mbushën mendjen.
Unë punoja në Togëz, ata më shihnin atje dhe më njohën. Kur u fejuam bashkëshorti ishte në Gjermani. Pas martese vetëm një ditë kam qëndruar me burrin. Kur jemi martuar, kemi qëndruar vetëm një muaj.
Pyetje: Ti qëndroje me vjehrrin dhe vjehrrën?
Nusja: Po qëndroja me ta dhe ata donin të mbanin si shërbëtore.
Pyetje: Jetonit bashkë?
Nusja: Unë jetoja në kat të dytë.
Pyetje: Si është gjendja jote emocionale?
Nusja: Jo e mirë.
Pyetje: Më thuaj se çfarë ndodhi atë natë?
Nusja: Atë natë ika të fle gjumë dhe nuk e di se më droguan.
Pyetje: Pse thua më kanë droguar?
Nusja: Nuk mbaj mend asgjë. Vajta në spital dhe kisha dhimbje trupi.
Pyetje: Ti ke konsumuar darkë dhe u shtrive në dhomën tënde?
Nusja: Nuk ndihesha mirë. Nga ora 10 ishte ai djali aty dhe aty erdhën dhe më kapën me shkopinj.
Pyetje: Ai e dinte që ti ishe e martuar?
Nusja: Jo ai nuk e dinte. Kishim një muaj e gjysmë lidhje.
Pyetje: Personat në video?
Nusja: Ishin shumë njerëz aty. Më hoqën batanijen. Vjehrri më tha një fjalë të pistë.
Pyetje: I the burrit të merrte me vete?
Nusja: I thoja burrit më merr në Gjermani, ai më thoshte jo do të lë te mami.
Pyetje: Je dhunuar atë natë?
Nusja: Po Vjehrra më kapi prej flokësh.Trupin e kam me shenja.
Pyetje: Kush të ka filmuar episodin?
Nusja: Kunati.
Pyetje: Çfarë ke konsumuar?
Nusja: Ata e mohojnë që nuk kemi bërë gjë.
Pyetje: Të kanë kapur ndonjëherë tjetër?
Nusja: Po.
Pyetje: Pse krijove raportin me këtë djalë?
Nusja: Ky më pëlqente dhe thashë mbase krijojmë ndonjë lidhje.
Pyetje: Si ka reaguar pas ngjarjes?
Nusja: Keq. Është dhunuar dhe ai.
