Prindërit bëjnë gjithnjë çmos që fëmijët e tyre të jenë të lumtur dhe shpeshherë detyrohen të shkojnë përtej çdo gjëje.
Georgina Rodriguez, partnerja e Criastiano Ronaldos, ka treguar se është shumë e përkushtuar ndaj familjes dhe këtë gjë e vulosi edhe me veprimin e fundit për djalin e madh të futbollistit.
Ditën e djeshme modelja është fotografuar nga paparacët në Itali ku shihej e veshur si elf me kostumin me ngjyrë të kuqe dhe jeshile dhe me kapuç jeshil.
Ky moment është kapur gjatë kohës kur ajo u largua nga shkolla e Cristiano Jr pasi ndoqi festën e Krishtlindjes në shkollën e tij. Nuk e dimë se çfarë roli ka patur ajo në shfaqje por ky veprim i saj është vlerësuar shumë nga fansat.
Georgina javën e kaluar ka ndarë me ndjekësit e saj në Instastory disa video të realizuara brenda shtëpisë së tyre luksoze. Teksa ka zbuluar atmosferën festive që po mbizotëron në shtëpinë e tyre, Georgina ka treguar edhe se aktualisht e gjithë familja po qëndrojnë të bashkuar dhe të lumtur së bashku.
Ata duket se kanë zgjedhur dekorime të thjeshta për fundvit, nisur nga bredhi i cili është me zbukurime ngjyrë ari dhe të bardha. Në një kënd të shtëpisë është vendosur një babagjysh i veshur në të bardha, dhe i ulur në karrigen e tij.
Dekoret përfundojnë me disa dordolecë, drenusha dhe pemë të bardha, të cilat janë vendosur në qoshin tjetër të shtëpisë.
Cristiano Ronaldo, një ndër futbollistët më të mirë në historinë e futbollit, dhe Georgina Rodriguez, që dikur ishte shitëse, u njohën 3 vite më parë në butikun ku punonte kjo e fundit.
E asokohe ajo as që e mendonte se do bëhej partnerja e Ronaldos, por ja që ylli juventin ra në dashuri me të dhe tashmë janë ndër çiftet më të famshme në botë.
Ndonëse janë prindër të 3 fëmijëve, çifti ende nuk është martuar por bashkëjeton prej kohësh, madje me ta jeton edhe djali i madh i Ronaldos, Cristiano Junior.
