Portieri i Partizanit, Alban Hoxha ka mbetur në burg pasi u kap i dehur në timon.
Seanca gjyqësore për portierin është shtyrë për nesër në orën 10:00 kur Hoxha do njihet me masën e sigurisë raporton “Newsbomb”.
Portieri u kap dy netë më parë nga policia duke drejtuar automjetin nën efektin e alkoolit.
Policia njoftoi se 31-vjeçari, banues në Tiranë, u arrestua pasi në rrugën e “George W. Bush”, u kap duke drejtuar në gjendje të dehur mjetin.
Albani është përfolur për lidhjen e tij me këngëtaren Çiljeta Xhilaga, por pas një videoje të publikuar nga internet, ku shfaqej me një femër misterioze në një club, këngëtarja ka fshirë nga llogaria e saj në Instagram çdo postim me të dhe e ka hequr futbollistin e njohur nga lista e ndjekësve.
