Leonardo DiCaprio shijoi një darkë të qetë me modelen, Gigi Hadid, ndërsa dyshja u panë në New York të dielën.
Fituesi i çmimit Oscar, 48 vjeç, kishte vendosur kapelën e tij të zezë me firmën LA Dodgers ndërsa dilte nga Cipriani veçmas Gigi Hadid. Modelja më pas u pa vetëm.
Ylli i “Titanic” kishte veshur një xhaketë të zezë, xhinse dhe atlete të bardha, të shoqëruar me kapelën e tij dhe një maskë për fytyrën teksa ecte me një shoqërues.
Më pas u shfaq edhe Gigi. Ajo kishte veshur një bluzë të shkurtër, të cilës i ekspozohej barku, të kombinuar me pantallona të errëta dhe një xhaketë lëkure të zezë, ndërsa u përpoq të fshihte fytyrën e saj me një shall blu.
Dalja vjen disa ditë pasi aktori thuhet se u pa duke u shoqëruar me Gigi Hadid në një festë luksoze për Halloween në New York.
“Page Six” raporton se aktori dhe supermodelja morën pjesë të dy në mbrëmjen e Halloween të Circoloco-s në Brooklyn Navy Yard, duke mbërritur me autobusin e festës me motrën e Gigi-t, Bella, modelen Irina Shayk dhe tregtarin e artit Helly Nahmad.
Epo tashmë nuk janë vetëm thashetheme fjalët që qarkullonin kudo. Dyshja janë parë bashkë së fundmi edhe pse u përpoqën që të kamufloheshin.
