Mjekët amerikanë kanë ngritur dyshime se ndofta virusi pësoi një mutacion me një shpejtësi alarmante dhe të pazakontë brenda trupit të një pacienti që ka ndërruar jetë.
Në SHBA një rast i rrallë është regjistruar në kulmin e debateve dhe pandemisë, ku një 45-vjeçar është infektuar tre herë me Covid-19 dhe si pasojë ka humbur jetën.
Sipas “Daily Mail”, 45-vjeçari emeri i të cilit nuk bëhet me dije, në total ka luftuar për 154 ditë me virusin, derisa ka humbur betejën me të.
Mjekët amerikanë në “Brigham and Women’s Hospital” Boston, Massachusetts kanë thënë sem 45-vjeçarit, ka marrë një trajtim intesiv, por pavarësisht kësaj virusi ka qëndruar me të për 154 ditë.
Gjithashtu 45-vjeçari, vuante nga një gjendje e quajtur sindromi antifosfolipid (APS) dhe një ndërlikim i çrregullimit autoimun, i njohur si hemorragji difuze alveolare.
Fillimisht ai ka shkuar në spital me ethe dhe doli pozitiv me koronavirus.
Përveç mjekimit mori edhe oksigjen deri ditën e pestë, pastaj gjendja nisi të përmirësohej dhe doli nga spitali. Gjatë 62 ditëve të ardhshme, ai duhej të ishte në karantinë në shtëpi, por në vend të kësaj ai shkoi në spital tri herë me dhimbje barku, probleme me frymëmarrjen dhe lodhje.
Ndërkohë, 105 ditë pas diagnozës së tij të parë, burri u shtrua në spital përsëri, me të njëjtat shenja dhe një ngarkesë më të lartë virale, që shkaktoi shqetësim për një përsëritje të dytë të COVID-19.
Atij iu dha një kurë tjetër me remdesivir dhe më në fund u testua negativ nga koronavirus. Ndërkohë një muaj pasi rezultoi negativ 45-vjeçari është testuar sërish pozitiv me Covid-19.
Sakaq, pavarësisht nga trajtimi me më shumë remdesivir dhe antifungale, ai vdiq, 154 ditë pas testit të tij fillestar pozitiv. Kur shkencëtarët e spitalit sekuencuan gjenomin e virusit që infektoi burrin, ata gjetën një evolucion alarmant.
/Burimi: Daily Mail/Përktheu: Iconstyle.al /
