Reshat Grendi, 69-vjeçari që u hodh dje nga kati i tretë i spitali Infektiv, ka ndërruar jetë ditën e sotme. Burime pranë “AbcNews.al” bëjnë me dije se i moshuari nuk ka mundur të mbijetojë pavarësisht kujdesit të mjekëve.
Ai ishte shtruar një ditë më parë në spitalin Covid-1. Ky është rasti i katërt i pacientëve të prekur nga koronavirusi që i japin fund jetës në vendin tonë.
Rasti i parë është regjistruar më 13 gusht, ku 29-vjeçari Xhino Koça nga Durrësi u hodh nga kati i tretë i “Shefqet Ndroqit” në gjendje të rënduar psikologjike, ku për pasojë ndërroi jetë. Ndërkohë, që në 2 shtator Hasan Mira, 65 vjeç, i dha fund jetës duke u hedhur nga kati i katërt i COVID 2 vetëm dy ditë pasi ishte shtruar aty. Ndërkohë rasti i tretë ishte ai i Preng Gjonajt, 52 vjeç, me origjinë nga Tropoja e me banim në Tiranë, u regjistrua në 1 nëntor sërish tek Sanatoriumi.
