Moti i keq në Shqipëri, i ka marrë jetën një të riu në Gjirokastër. 22-vjeçari Xhuliano Koçiu, humbi jetën në mënyrë tragjike pasi u godit nga rrufeja. Mësohet se ngjarja ndodhi në zonën e njohur si Fushë-Lazarat, dhe sipas policisë viktima ishte duke kullosur bagëtitë në momentin që u godit nga rrufeja. 22-vjeçari ndërroi jetë sapo mbërriti në spital.
Ndërkohë në bregdetin e Orikumit, reshjet e dendura të shiut kanë shkaktuar dëme të mëdha. Sipas Top Channel, çadrat e plazhit kanë dalë në rrugë, ndërkohë që shezlongët janë dëmtuar.
