Aktori dhe komediani 65-vjeçar Bob Saget i njohur për rolin e tij si Danny Tanner në Full Houseka ndërruar jetë ditën e djeshme në moshën 65-vjeçare.
Burime të shumta kanë treguar se Bob ndërroi jetë në hotelin Ritz-Carlton në Orlando, Florida.
Departamenti i zjarrfikësve rreth orës 16:00 kanë mbërritur në vendngjarje, pasi sigurimi i hotelit e kishte gjetur Bobin në dhomën e tij pa ndjenja.
Bob u shpall i vdekur në vendngjarje, por shkaku i vdekjes së tij është ende i paqartë.
Menjëherë pas publikimit të lajmit, Zyra e Sherifit të Qarkut konfirmoi vdekjen e Bob, duke thënë se nuk kishte “shenja të përdorimit të drogës”.
“Grande Lakes mori një telefonatë në lidhje me një burrë që nuk reagonte në një dhomë hoteli. Burri u identifikua si Robert Saget dhe u shpall i vdekur në vendngjarje. Detektivët nuk gjetën shenja dhune ose përdorimit të drogës, “ shkruan Departamenti i Policisë.
Javët e fundit, Bob ka udhëtuar nëpër vende të ndryshme në turneun e tij të fundit të komedisë.
Të shtunën në mbrëmje, Bob performoi në Sallën e Koncerteve Ponte Verda në Jacksonville, Florida.
“Më pëlqeu shfaqja e sonte, publiku ishte mjaft vlerësues. Faleminderit sërish @RealTimWilkins për hapjen. Nuk e kisha idenë se bëra një set 2 orësh sonte. Kontrolloni http://BobSaget.com për takimet e mia në vitin 2022”, shkroi Bob pas shfaqjes së bashku me një selfie në skenë.
Bob ka lënë pas gruan e tij Kelly Rizzo dhe tre vajzat e tij Aubrey, Lara dhe Jennifer.
