Në mesin e personave që humbën jetën nga tërmeti i fuqishëm që goditi Shqipërinë të martën, është edhe edhe një njeriu i afërt i Greg Ramës, djalit të kryeministrit.
Ai ka ndarë këtë lajm të hidhur në rrjetet sociale, ku shprehet se personi në fjalë ka humbur jetën së bashku me familjen, prindërit dhe vëllain më të vogël.
Mediat shkruajnë se bëhet fjalë për 25-vjeçaren Kristi Reçi, studente e Mjekësisë, e cila u nxor dje e pajetë nga rrënojat. 25-vjeçarja ka vdekur nga tërmeti së bashku me familjarët e saj, vëllanë 22-vjeçar, dhe të dy prindërit.
Greg Rama ka ngushëlluar të gjithë viktimat e tërmetit, duke folur hapur edhe për vajzën që e njihte personalisht.
“Mes viktimave të shumta nga kjo fatkeqësi natyrore edhe një njeriu im i afërt së bashku me vëllanë e saj, mamin dhe babin janë gjetur nën rrënoja. Vetëm dy trupa janë nxjerrë deri tani nga gërmadhat e asaj që u shpall ditë zie kombëtare. Ngushëllimet e mia shkojnë për të gjithë viktimat e kësaj fatkeqësie”, shkruan Greg Rama.
