Një ngjarje e rëndë është regjustruar sot në Tiranë ku një 40-vjeçar i cili u gjet mbrëmjen e djeshme në lumin Lana pa ndjenja por i gjallë, ka humbur jetën.
Ai u dërgua menjëherë për në spital për të marrë ndihmën e nevojshme mirëpo nuk ka mundur të mbijetojë dhe ditën e sotme ka ndërruar jetë.
Dyshohet se 40-vjeçari ishte përdorues i lëndëve narkotike dhe gjithashtu vuante nga shëndeti mendor, sakaq policia ende po punon për zbardhjen e plotë të ngjarjes.
Njoftimi i policisë:
Ditën e djeshme, është konstatuar në ujërat e lumit Lana, shtetasi E. D., 40 vjeç, i cili pasi është transportuar në spital, për ndihmë mjekësore, ka humbur jetën. Nga veprimet e para hetimore dyshohet se ky shtetas vuante nga sëmundje të shëndetit mendor dhe ishte perdorues i lëndëve narkotike. Punohet për sqarimin e rrethanave të ngjarjes.
