Motra binjake e adoleshentes që u gjet e pajetë dje në Greqi, para derës së Kishës, ka folur për ngjarjen e dhimbshme që ka tronditur vendin.
Ajo ka bërë me dije se e mitura herën e fundit që kishte dalë nga shtëpia, kishte thënë se do të takohej me një djalë, me të cilin ishte njohur kohët e fundit.
16-vjeçarja tha se bëhet fjalë për një efektiv policie, që është një djalë i moshës 26-vjeçare, ende i paidentifikuar.
“Dolën për herë të parë dje. Ai ishte më i madh se ajo. Doli në orën 03:00 nga shtëpia dhe nuk erdhi më. U shqetësova, telefonova policinë dhe u thashë që ta kërkonin”, tregon e motra sipas Dosja.al.
Pamejt e dhimbshme të babait të adoleshentes, i ulur në gjunjë duke qarë në vendin ku u gjet e vdekur e bija, janë bërë virale në mediat greke.
“Ata e vranë atë, lulja ime është zhdukur”, mësohet të ketë thënë ai me lot në sy.
Trupi i adoleshentes shqiptare u gjet i pajetë jashtë një kishe në kodrën e Profitis Ilias në Trikala, një ditë më parë. Ngjarja e rëndë tronditi opinionin publik por deri më tani nuk ka asnjë pistë për të zbardhur vdekjen tragjike të adoleshentes.
