Na vjen keq t’ju themi se Bella Hadid dhe The Weeknd nuk janë rikthyer bashkë!
Përkundër raporteve që qarkulluan në fillim të kësaj jave, modelja e njohur dhe këngëtari nuk janë në një lidhje romantike.
Spekulimet filluan kur ish-çifti u ribashkua për ditëlindjen e Bella-s, por një përfaqësues i The Weeknd rrëzoi zyrtarisht thashethemet, duke thënë “ata thjesht u takuan si miq”.
Sipas “People”, këngëtari madje bëri dhe një koment për romancën e përfolur:
“Imagjinoni të fiksoheni pas marrëdhënies së dikujt për të cilin nuk dini asgjë fare”, shkruante ai në një postim, ndërsa në një tjetër, ai ndau një pamje nga një postim i vjetër në të cilin shkruante: “Nëse nuk e kam konfirmuar unë vetë, atëherë nuk konfirmohet”.
Në muajin gusht të këtij viti mësuam se modelja Bella Hadid dhe këngëtari The Weeknd i kishin dhënë fund marrëdhënies së tyre.
Ky vendim erdhi si pasojë e largësisë së çiftit, të cilët gjatë gjithë kohës ndodheshin në vende të ndryshme nga njëri-tjetri.
/Harpersbazaar
