Rita Ora mbërriti dje në Kosovë për një mision të rëndësishëm këtë herë që nuk ka lidhje me ndonjë performancë live.
Këngëtarja shqiptare me famë botërore erdhi në Kosovë në kuadër të një misioni bamirësie me Fondin e Kombeve të Bashkuara për Fëmijë (UNICEF).
Ajo u fotografua dje në aeroportin “Adem Jashari”, teksa zbriste e vetme shkallët e avionit, ndërsa sot u mësua se Rita po shoqërohet nga babai i saj, Besnik Sahatçiu.
Ky i fundit ka publikuar sot një video në Instagram, nga sheshi “Skënderbeu”.
Gjatë qëndrimit në Kosovë, Rita do të takohet edhe me viktimat e dhunës seksuale.
