Një person rreth 28-vjeç është ekzekutuar me armë në Tiranë, në zonën e Astirit.
Mësohet se viktima është Vilson Tafçiu, ndërsa autori mbetet në kërkim, sipas burimeve të Top Channel.
Mësohet se viktima ka qenë i shoqëruar në një lokal në rrugën Teodor Keko, kur është thirrur nga autorët për të dalë jashtë, ku dhe është qëlluar për vdekje nga persona, identiteti i të cilëve nuk dihet.
Viktima ishte deportuar nga Franca në vitin 2018 për trafik droge, ndërsa përdorte dy mbiemra, Noka dhe Tafçiu.
Njoftimi i policisë
Rreth orës 20.45, në Astir, në një rrugicë, në afërsi të një lokali, në rrethana ende të paqarta është plagosur me armë zjarri shtetasi V.T, rreth 28 vjeç, i cili më pas ka gjetur vdekjen.
Menjëherë në vendngjarje kanë shkuar shërbimet e Policisë, të cilat kanë bërë rrethimin e zonës në një perimetër të gjerë.
Janë ngritur pika kontrolli në të gjitha akset rrugore si dhe vijon puna nga grupi hetimor për sqarimin e rrethanave të ngjarjes, grumbullimin dhe fiksimin e çdo prove që do çojë në zbardhjen e ngjarjes, identifikimin dhe arrestimin e autorëve.
