Kur Ahmad Ajjadi u zgjua, ai nuk e kuptoi se ku ndodhej, pse kishte një tub poshtë fytit, ose sa kohë kishte kaluar që kur e kishte ushqyer për herë të fundit qenin e tij.
Dhe kur pa veten sesi ishte transformuar nga një atlet 97 kilogramë në një njeri me 27 kg më pak, 40-vjeçari nuk u besonte syve.
“U zgjova dhe shikoja krahët, këmbët dhe muskujt e mi ishin zhdukur. Unë isha i tronditur, si? Ku janë këmbët? Ku shkuan muskujt?”
Ayyad është një i mbijetuar nga koronavirusi dhe mjekët e kishin vendosur në gjendje kome për 25 ditë për të shpëtuar jetën e tij.
Kanë kaluar pak më shumë se dy muaj nga ato ditë prekëse dhe ai ende nuk e ka marrë veten plotësisht. Ende merr frymë me vështirësi herë pas here. Ende merr mjekim pas dëmtimit të mushkërive dhe zemrës së tij.
Por ai ka një mesazh – për ata që nuk pranojnë të vendosin maskë gjatë kësaj pandemie, për ata që heqin dorë nga udhëzimet, për ata që kanë në dorë shëndetin e tyre dhe ndjehen të pathyeshëm kundër koronavirusit.
“Shqetësohem shumë kur njerëzit e marrin kaq lehtë”, tha ai për CNN të martën. “Unë u infektova dhe mbijetova, por jam akoma i tmerruar”.
Një ditë, Ajjad po drejtonte restorantin në Uashington, DC, dhe punonte edhe në biznesin e mobiljeve të familjes së tij me pakicë. Ditën tjetër, e gjithë jeta e tij ndryshoi. Duke ngjitur shkallët ai u lodh dhe kështu ndodhi edhe kur gatuante, apo ngiste makinën!
Pastaj erdhën të tjera pasoja si kollitja dhe teshtitja. Përfundimisht e kapën ethet dhe një humbje totale e energjisë dhe oreksit si dhe vështirësi në frymëmarrje.
Rrëfimi i tij si i një mbijetuar, duhet dëgjuar nga të gjithë ata që mendojnë se janë mirë dhe nuk kanë asgjë! Kështu mendonte dhe Ahmad dhe tani ky është transformimi i tij i frikshëm!
