Meremja ishte dashuruar në moshë të re me dikë që ishtë 5 vite më i madh se ajo. Kur familja e saj e kishte zbuluar këtë lidhje nuk e kishin pranuar, por Meremja vendosi që të martohej me djalin që dashuronte pa pëlqimin e tyre.
Ajo rrëfeu në studion e emisionit “Dua të të bëj të lumtur” se në filllim gjithçka shkonte mirë, por pas disa kohësh ish-bashkëshorti i saj kishte filluar të ushtronte dhunë fizike mbi të. Pavarësisht se ishin bërë prindër të një djali, ish-bashkëshorti i Meremes nuk kishte ndryshuar, madje mbi të kishte filluar të ushtronte dhunë dhe ish-vjehrra.
Sot Meremja i kërkoi falje prindërve për vendimin e nxituar dhe për t’i falenderuar për çdo gjë që kishin bërë për të. Në studio kishte ardhur vetëm mamaja e saj, Sadrija të cilës i’u drejtua me këto fjalë:
“Dua të të falenderoj për gjithë këto vite që më ke mbështetur, për çdo sakrificë që ke bërë për mua. Më keni ndihmuar shumë, por fjalët nuk mjaftojnë për të të falenderuar për ato që ke bërë për mua.”
Burimi: Revista Who
