Sidion Tabaku është 28 –vjeçari që u plagos mbrëmjen e kaluar nga forcat “Shqiponja” në kryeqytet. Sipas raportimeve i riu është plagosur në këmbë me armë zjarri pasi nuk i’u bind urdhrit të forcave policore që të ndalonte. Ai ishte duke udhëtuar me një çiklomotor pa kaskë, ndaj policia i ka bërë shenjë të ndalojë.
Ndërkohë vetë Sidioni thotë se nuk është e vërtetë që nuk i është bindur policisë. Ai tha që pa asnjë arsyetim patrullat e policisë e ndoqën dhe filluan të shtijnë në të dhe ndërsa tregonte plagën e marrë ai shtoi se i’u rrezikua jeta.
Teksa i plagosuri ndodhej në spital duke marrë ndihmën mjekësore,pranë tij u pa edhe reperi i njohur shqiptar Stresi. Sipas Lajmi.net Stresi ishte në spital bashkë me disa djem të tjerë dhe u pa teksa debatonte me policinë.
