Cassie Ventura u fotografua vetëm dy ditë pasi u dhunua dhe u tërhoq zvarrë nga ish-i i saj Sean “Diddy” Combs në vitin 2016.
Modelja kishte disa mavijosje teksa ishte në tapetin e kuq për premierën e filmit “The Perfect Match” më 7 mars 2016. Ventura kishte veshur një fustan ari pa mëngë, i cili në dukje tregonte një mavijosje në pjesën e sipërme të krahut të majtë.
Pas një ndryshimi të veshjes, në këmbët e saj mund të shiheshin mavijosje të ndryshme të zeza dhe blu.
Megjithatë, është e pakonfirmuar nëse mavijosjet janë për shkak të sulmit.
Diddy u pa duke sulmuar ish të dashurën e tij, Cassie në një hotel në vitin 2016. Video është siguruar nga CNN dhe tregon momentin kur Diddy ndjek Cassie në korridorin e hotelit. Në një moment, reperi e kap nga koka dhe e përplas përtokë. Më pas e godeet disa herë me shkelma dhe në fund e tërheq zvarrë në dhomë. Kjo pamje shqetësuese është xhiruar në hotelin InterContinental (lexo këtu).
