Një ngjarje e rëndë e ndodhur kohë më parë në mes të Tiranës, ka dalë në dritë vetëm së fundmi, pasi është mbajtur e fshehur nga policia dhe autoritetet përgjegjëse.
Bëhet fjalë për një vajzë të re 22-vjeçare nga Kenia, e quajtur Joy, e cila dyshohet se është dhunuar barbarisht dhe është hedhur në mënyrë të mistershme nga kati i dytë i banesës së saj në kryeqytet, ku edhe u gjet në gjendje të rënëdë.
Sipas asaj që raportohet dhe informacioneve nga të afërmit dhe shoqet e Joy-t, ngjarja ka ndodhur rreth dy muaj më parë, por gjithçka është mbajtur e fshehtë dhe është kaluar në heshtje nga policia dhe prokuroria.
Shoqet e saj thonë se vajza keniane punonte në një kazino në Tiranë dhe jetonte prej gjashtë vitesh në Shqipëri, kur një natë u gjet e hedhur pas pallatit ku banonte, e dhunuar barbarisht, me kocka e brinjë të thyer e me trauma në tru.
Shoqet dhe mamaja e saj kanë hapur tashmë një “GoFundme” ku kërkojnë mbledhjen e fondeve për trajtimin e saj jashtë, pasi është i pamundur në Shqipëri.
LINKU I DONACIONIT: https://www.gofundme.com/f/joys-second-chance-at-life
Në fakt pavarësisht informacioneve që tregoi shoqja e saj, ngjarja është e mbuluar nga misteri.
Joy ndodhet në spitalin e Tiranës me tre brinjë e dy kocka të ijeve. Ajo nuk mund të flasë, të kthejë kokën, të hajë vetë, të gëlltisë ushqimin ose të kryejë funksione thelbësore njerëzore për shkak të TBI (Dëmtimi traumatik i trurit). Ndaj familja dhe miqtë e saj po kërkojnë para që Joy, e cila ditëlindjen e saj të 22 e festoi në një shtrat spitali, të shtrohet e të marrë terapinë e nevojshme për të rifituar kontrollin mbi trurin e saj.
Çfarë i ka ndodhur Joy-t?
Media të ndryshme shkruajnë se vajza e re ishte rekrutuar për të punuar në kazinonë pranë stadiumit ‘Air Albania’, e cila operohet nga një kompani austriake që përfaqësohet ne Tiranë nga shtetasi Bledar Sinanaj, i njohur si Dari.
Joy u zhduk më datë 13 gusht 2022 nga ora 03:25 e mëngjesit deri rreth orës 07:00 të mëngjesit. Ajo u gjet në gjendje të rëndë poshtë pallatit ku banonte në kat të dytë, por ngjarja është e mbuluar me mister. A ra aksidentalisht Joy apo ka ndodhur diçka tjetër? Pse u mbajt e fshehtë kjo ngjarje e rëndë nga autoritetet përkatëse?
Ruth, nëna e Joyt thotë se nuk ka marrë asnjë të dhënë nga policia për ngjarjen. Ky lajm nuk është bërë publik në media deri më sot, kur të gjithë në rrjetet sociale po njihet me ‘GoFundMe’ të hapur nga mikja e 22-vjeçares, Stephanie.
“Policia nuk më ndihmoi, nuk ishin të dobishëm.. kishin pak informacion. Ata thanë se çështja ishte në prokurori dhe më duhej një avokat. Kam gjetur një avokat të OJQ-së që po ndihmon”- tha ajo.
Reagimi i shoqes së 22-vjeçares nga Kenia:
Përshëndetje, emri im është Stephanie; së bashku me Lavi Lindën po mbledhim fonde për shoqen time më të mirë, Joy, e cila është si një motër për mua. Më 12 gusht 2022, ajo pësoi një aksident që i shkaktoi traumë në tru. Ajo duhet të transferohet sa më shpejt në Itali për trajtimin e mëtejshëm të terapisë neurologjike. Unë isha në një video-telefonatë me shoqen time më të mirë kur ajo sapo ishte kthyer në shtëpi nga puna. Dy ditë më vonë, që do të ishte përvjetori i saj i gjashtë muajve në Shqipëri, ku shkoi për të punuar, ajo u gjet pas pallatit ku banonte dhe u la për të vdekur. Mjekët e shpallën të vdekur, por Zoti vendosi që koha e saj në tokë të mos kishte mbaruar! Për shkak të mungesës së oksigjenit në trurin e saj, ajo ishte në ICU për dy muaj duke mësuar se si të merrte përsëri frymë; ajo gjithashtu kishte tre brinjë të thyera dhe të dy kockat e ijeve.
Joy është tani në një lagje, në gjendje të marrë frymë në mënyrë të pavarur. Megjithatë, nuk jemi të sigurt nëse ajo na kupton. Ajo tenton të përgjigjet, dhe ndonjëherë, ajo nuk e bën. Ajo mund të lëvizë një gjymtyrë, por jo në masën e saj të plotë. Ajo nuk mund të flasë, të kthejë kokën, të hajë vetë, të gëlltisë (ajo ushqehet përmes tubave), të shprehet me zë ose të bëjë funksione thelbësore njerëzore për shkak të TBI (Dëmtimi traumatik i trurit). Ne po kërkojmë ndihmë për të mbledhur para për seancat e saj të Terapisë. Mjekët na kanë thënë se trajtimi i mëtejshëm i Joy ka nevojë për një Qendër Rehabilitimi Neurologjik të Trurit pa trauma, e cila nuk është e disponueshme në Shqipëri. Ne jemi këshilluar që ky rehabilitim është i disponueshëm në Itali dhe tani po punohet për të transportuar Joy dhe nënën e saj atje për trajtimin e duhur. Ne lutemi që drejtësia të mbizotërojë në lidhje me rastin e saj. Si familje jemi të dëshpëruar, por vendosëm të fokusohemi te shëndeti i saj, të jemi pranë saj emocionalisht dhe shpirtërisht dhe nëna e saj, pranë saj, është aty për të fizikisht me ndihmën e Lindës. Ajo është vetëm 22 vjeçe dhe ka ndodhur të festojë ditëlindjen e saj të 22-të në shtratin e ICU. Çdo gjë që jepni do të vlerësohet shumë dhe Zoti ju bekoftë me bollëk.
