Devin Retray, i njohur për rolin e vëllait të madh Buzz në filmin “I vetëm në shtëpi”, është arrestuar pas akuzave për dhunë.
Dyshohet se aktori e ka kërcënuar me vdekje të dashurën e tij, pasi ajo u dha falas autograf disa fansave të tij.
Sipas shumë raportimeve, 44-vjeçari u vetëdorëzua tek policia e Oklahomës, disa javë pas konfrontimeve fizike me të dashurën e tij.
Ngjarja për të cilën akuzohet 44-vjeçari Ratray, ka ndodhur pas një eventi në Oklahoma City, ku ai ishte i ftuari kryesor i mbrëmjes.
Stacioni i Oklahoma City, “KFOR-i” raportoi, duke cituar një deklaratë, se më 9 dhjetor, Ratray dyshohet se e mbyti të dashurën e tij në hotelin “Hyatt Place” në Oklahoma, duke e kërcënuar me fjalët: “Kështu do të vdesësh”.
Ratray i ka mohuar akuzat.
Ndërkohë, avokati i tij, Scott Adams, ka thënë për mediat se aktori nuk është ka qenë kurrë i dhunshëm.
“Z. Ratray mohon se ka vënë ndonjëherë dorë mbi të ose ka bërë ndonjë gjë në lidhje me diçka të tillë.”– është shprehur Adams ndër të tjera.
Aktori është shprehur gjithashtu se pavarësisht se ai dhe e dashura e tij kanë patur mosmarrëveshje të shumta, të gjitha detajet e tjera janë gënjeshtra.
