Jemi mësuar ta shohim gjithmonë në rolin e aktorit të humorit por sot Bes Kallaku na ka treguar një anë tjetër të tijën. Vajza e tij, Ajka, feston sot 4-vjetorin e lindjes, dhe të themi që është urimi më i ëmbël do ishte nënvlerësim.
“Lulja ime e shpirtit, urime 4-vjetorin. Njeriu nuk e kupton kurrë që vitet fluturojnë, përveçse tek fëmija e tij. Janë pak 4 vite, por mbase edhe shumë. Fli sonte në paqe! E shenjta, e shtrenjta ime Ajka. Gjumi yt i bardhe si lulet e kumbullës! Frymëmarrja jote sikur fryma e Zotit në trupin e krijuar, jetë jetë jetë. Sjellja në jetë e një jete (fëmije) sillka me vete edhe jetë të tjera, për mua, për nënën tënde, për ata që dinë të duan dhe duan të të duan. Gjumi yt trëndafil lëshon aromën e frymëmarrjes tënde. Dhe s’di çtë bëj me gjumin tënd, përveç se jam ulur dhe të lutem si në një vend të shenjtë. U rritsh e lumtur, me Zotin bariun tënd, gjumin ta mbroj unë! Edhe 100 ëndrra me ëngjej pafsh! Te dua me fuqinë e 1000 diejve!”
Edhe Xhensila ka postuar disa video të adhurueshme të Ajkës e cila përgatitet për ditëlindjen e saj duke bërë makeup.
View this post on Instagram
