Këngëtarja Lady Gaga ka kaluar disa orës stresuese kur dikush tentoi dhe ia doli të vjedhë qentë e saj!
Dy Bulldogët e saj francezë, Gustav dhe Koji u rrëmbyen nga dora e shëtitësit të tyre, të cilin gjithashtu e qëlluan në kraharor.
Fatmirësisht, gjendja shëndetësore e këtij të fundit është e qëndrueshme, ndërsa Gaga ka vazhduar pa ndalim përpjekjet për të rikthyer qentë e saj. Madje, ajo vendosi edhe një shpërblim prej 500.000 dollarësh për këdo që i rikthente dy qentë.
“Qentë e mi të dashur, Koji dhe Gustav, u rrëmbyen në Hollywood dy netë më parë. Më dhemb zemra dhe lutem që familja ime të jetë e plotë sërish. Do të paguaj 500.000 $ për kthimin e tyre shëndoshë e mirë.”- shkruante Gaga.
Dhe gjejeni pak çfarë ndodhi? Menjëherë pas lajmit të shpërblimit, dikush u shfaq me qentë për t’ia dorëzuar këngëtares dhe për të marrë paratë.
Një grua e panjohur u shfaq në Departamentin e Policisë në Los Angeles, duke dorëzuar qentë shëndoshë e mirë, siç këngëtarja i kërkonte.
Sipas mediave të huaja, gruaja e paidentifikuar nuk kishte lidhje me sulmin që iu bë shëtitësit të qenve, njëkohësisht mik i Gaga-s, megjithatë kjo ngjarje pritet të zbardhet. k k k k
