Lajmi se këngëtarja Elvana Gjata Gjata ishte shkaku i ngjarjes së rëndë që tronditi kryeqytetin natën e të enjtes ishte lajmi më i bujshëm në të gjitha mediat. Në krim është i përfshirë i dashuri i këngëtares, Ervin Mata, i cili është shpallur në kërkim nga policia.
Sipas burimeve thuhet se Elvana Gjata është larguar ditën e djeshme nga Shqipëria drejt një vendi të BE-së. Ajo ka udhëtuar më avion pasi ka kaluar përmes Rinasit.
Gazetarja Klodiana Lala deklaroi për “News 24” duke thënë: “Sipas burimeve që disponoj, këngëtarja Elvana Gjata u largua ditën e djeshme përmes Rinasit, udhëtoi drejt një vendi të BE. Ajo konsiderohet si ‘mollë e sherrit’ e vrasjes në Bllok, por policia nuk po përjashton edhe pistat e tjera. Këngëtarja është larguar jashtë territorit të Shqipërisë. Nuk dihet nëse vendi i BE ka qenë si vend tranzit. Prokuroria do kërkojë një tjetër dëshmi nga ajo, ndërkohë që po shihen të gjitha pistat”.
Ndoshta këngëtarja shqiptare mund të ketë udhëtuar drejt Gjermanisë, vendit ku jeton e motra, Migena Gjata.
Lala gjithashtu shtoi se Gjata mund të jetë përmendur si “mollë sherri” edhe padrejtësisht, pasi ka qënë në lokal 20 minuta para se të ndodhte ngjarja.
“Unë besoj se gjithë këtë gjë do ta zbardhë hetimi. Nuk zhbëhet fakti se ajo është partnerja zyrtare e Ervin Matës. Nuk kam pasur mundësi që të kontaktojë me të apo me Matën. Me avokatin e Fabio Allushit kam folur sot. Shpesh grupet kriminale përdorin emra të personazheve publike. Prokuroria e ka këtë pistë, pasi ajo ishte dhënë nga dëshmitarët okularë. Elvana Gjata ndodhet jashtë Shqipërisë. Ajo për të sqaruar pozicionin e saj, duhet të vijë që të japë dëshminë e saj. Ajo ka rriskun për të qenë në vendin e ngjarjes. Më duket e çuditshme që ajo të shërbejë si pretekst. Do të jetë hetimi ai që do të hedhë dritë mbi atë çka ka ndodhur. Se kam takuar kurrë personalisht Elvanën. Dhe të gjithë situatën e saj mund ta kuptojmë si njerëzore. Ajo është shtetase e lirë, që mund të jetë përmendur edhe padrejtësisht. Mund të jetë edhe për ‘faj’ të saj se dikush e ngacmon, kjo është gjë e njohur në Shqipëri”- pohoi Klodiana Lala.
Në të njëjtën kohë kujtojmë se Meviol Bilo, personi i dyshuar për vrasjen e Fabiol Gaxhës dhe plagosjes së Ervis Martinajt dhe Eljon Hatos thuhet se është truproja dhe kushëriri i këngëtares Gjata.
