Elia Zaharia dhe princ Leka janë bërë sot prindër për herë të parë. Në media qarkulloi me shpejtësi lajmi se Elia ka sjellë në jetë një vajzë, emri i të cilës është zbuluar së fundmi.
ABC News shkruan se e vogla quhet Geraldina, duke trashëguar emrin e Mbretëreshës. Mbretëresha Geraldinë rrjedh nga një familje shumë e njohur hungareze.
Gjatë periudhës së shkurtër të qëndrimit në Shqipëri u impenjua maksimalisht për rritjen e mirëqenies së popullit shqiptar, sidomos të shtresave në nevojë, duke kontribuar për ngritjen dhe funksionimin e institucioneve në shërbim të shtresave në nevojë, si spitalet, azilet dhe jetimoret.
Elia dhe Princi Leka kanë qenë shumë të rezervuar rreth kësaj periudhe, duke mos postuar asnjë foto gjatë shtatzënisë dhe as këto orë që është bërë nënë.
Të vetmet foto që qarkullojnë në rrjet janë ato të shkrepura nga “Panorama Plus” pak javë më parë.
Elia, 37 vjeçe, e Princi, 38 vjeç, u martuan në vitin 2016 në një ceremoni martesore që bëri shumë bujë, pasi mblodhi në Tiranë familjet e famshme mbretërore nga e gjithë bota.
Ata kanë shumë vite në krahët e njëri-tjetrit, teksa në 2010 u fejuan në qytetin e dashurisë, Paris.
