Ditën e sotme u bë me dije lajmi se, ish-deputetja Klajda Gjosha u bë nënë për herë të dytë.
Klajda solli në jetë një vajzë dhe lajmin e bukur e zbuloi mikesha e saj Nora Malaj nëpërmjet një postimi në Facebook.
Por në një ditë si kjo nuk kanë munguar urimet e shumta nga të afërmit dhe miqtë e saj dhe një prej tyre është edhe Minika Kryemadhi.
Nëpërmjet një postimi në Instagram ajo ka uruar Klajdën për vajzën dhe ka zbuluar emrin e saj.
Fëmijën e dytë Klajda ka vendosur ta quajë Greis.
“Klajda u bë mama për herë të dytë! ‘E rrëmbeva’ këtë çast të bukur duke fiksuar në foto dorën e Greis dhe të mamit të saj. Një moment që më emocionoi dhe mbushi me gëzim. Si nënë e dy vajzave e di që si në ditën e parë, por edhe pas shumë e shumë viteve, Klajda dhe Greis do jenë gjithmonë të pandara. Dy fate të lidhura përjetë që do shoqërojnë njëra tjetrën si në ditët e bukura me diell edhe në ato të zymta me shi. Ky është fati i çdo nëne dhe vajzës së saj. Të udhëtojnë bashkë e të ndriçojnë jetët e tyre dhe të njerëzve të dashur! Të rritesh e lumtur në krahët dhe kujdesin e prindërve Greis. Ne të duam shumë”, ka shkruar kryetarja e LSI-së në postimin e saj.
https://www.instagram.com/p/B0oDm5kgzff/?igshid=1egxdl66mh22w
Kujtojmë se Klajda provoi për herë të parë ndjesinë e të qenurit nënë në vitin 2014, kur solli në jetë djalin e saj të quajtur Luis.
