Është vetëm 21 vjeç, ama moderatori Meriton Mjekiqi mbajti në krahë për herë të parë me 16 korrik, djalin e tij të porsalindur, të cilin e pagëzoi me emrin Loar.
Përmes një foto ku zbulonte vetëm duart e vogëlushit, Meriton shpjegonte lumturinë e të qënit baba dhe sesi Loar i kishte ndryshuar jetën.
“Zotit i them faleminderit për këtë dhuratë të shtrenjtë. Qenka ndjenja më e mirë në botë dhe momenti më i lumtur. Je ti ai që na shpeshton të rrahurat e zemrës sa herë të shohim, në mbrëmje gjumin e bëjmë të qetë kur erën tënde nuhasim, mëngjesi na zbukurohet kur shohim sytë e tu. Je gjithçka që kemi në jetë” – shkruante plot emocion krahas fotos moderatori.
Mirëpo vetëm sot, Meriton Mjekiqi vendosi të prezantojë për herë të parë djalin e tij, i cili duket një ëngjëll i vërtetë teksa po fle.
“Të dua shumë Loar” – shkruan Meriton për të voglin e tij.
