Robert Sylvester Kelly, i njohur gjerësisht si R Kelly, po përballet me dhjetëra akuza për abuzime seksuale, që mendohet se kanë ndodhur përgjatë disa dekadave.
Të premten u lëshua një urdhër arresti ndaj tij dhe këngëtari u arrestua në Chicago pasi akuzohet për abuzimin seksual të katër femrave, përfshirë tre të mitura.
Megjithatë R Kelly mund të lirohet me kusht nëse paguan 1 milion dollarë. Reperi është urdhëruar të dorëzojë pasaportën e tij dhe të mos ketë kontakte me asnjë njeri nën moshën 18-vjeçare.
Arrestimi i 52-vjeçarit erdhi pas transmetimit të një dokumetari të quajtur Surviving R Kelly, ku u dhanë dëshmi të shumë grave që e akuzonin për abuzim seksual përgjatë disa dekadave, përfshirë edhe ish-gruan e tij.
Kelly u paraqit në gjykatë të shtunën pasdite dhe përballet me 10 akuza për abuzime seksuale (lexo këtu).
Prokurorët thanë se një nga rastet lidhet me disa pamje që tregojnë se Kelly u përfshi në marrëdhënie seksuale me një vajzë 14-vjeçare.
