Rigels Rajku, reperi i njohur me emrin e artit si Noizy, është lënë i lirë pasditen e sotme, pasi u arrestua në Kosovë.
Mësohet se reperi është lënë i lirë, pasi ka vendosur të paguaj gjobën. Nga mediat kosovare raportohet se Noizy duhej të paguante gjobën 2 mijë euro ose të bënte 100 ditë burg. Natyrisht që reperi ka paguar garancinë dhe tashmë është lënë i lirë.
Ai ishte arrestuar mbrëmjen e djeshme në pikën kufitare, në Vermicë dhe dyshohet se arsyeja për ndalimin mund të jetë bërë sherri që ka pasur me reperin Cozman në vitin 2016, megjithëse diçka e tillë nuk u konfirmua zyrtarisht nga Policia e Kosovës.
“Shoqërohet një person me urdhëresë të gjykatës. Mbrëmë në pikën kufitare, në Vermicë nga policia është ndaluar një person, i cili është shoqëruar në stacionin policor Qendra në Prishtinë.
Ndaj tij ka qenë aktive një urdhëresë të gjykatës. Zyrtarët policor në koordinim me institucionet përkatëse, po kryejnë veprimet e nevojshme procedurale”, thuhej në një njoftim nga policia.
Sherri mes Cozman dhe Noizy ndodhi në vitin 2016 dhe u tha se ishte Noizy ai që i ishte vërsulur fizikisht Albert Krasniqit dhe Ylber Abdullahut (Cozman-it), pasi këta të fundit kishin mbërritur në parkingun e hotelit ku ndodhej reperi. Përplasje përfundoi më pas edhe në përdorimin e armëve të zjarrit
