Reperi i njohur Stresi i ka shpëtuar burgut pas vendimit nga Gjykata e Apelit ditën e sotme. Arratisja nga Komisariati Nr.3 në vitin 2015 dhe mosbindja ndaj urdhrit të policisë do t’i kushtojë Arkimed Lushajt vetëm 18 muaj shërbim prove.
Gjykata e Apelit rrëzoi vendimin e Shkallës së Parë, e cila e kishte dënuar reperin me dy muaj burgim duke e ndryshuar në 18 muaj shërbim prove.
Në shkurt të 2015-s policia e shpalli në kërkim Arkimed Lushajn, pasi u arratis nga ambientet e komisariatit, duke u hedhur nga kati i dytë, ndërsa ishte shoqëruar nga patrullat e policisë së Komisariatit Nr.3, i dyshuar si autor i shkeljes së rregullave të qarkullimit rrugor.
