Kryebashkiaku i Elbasanit ka premtuar një festë të madhe vitin e ardhshëm për të gjithë ata qytetarë që shpresonin të kalonin Ditën e Verës në Elbasan këtë të shtunë.
Gledian Llatja ka ripërsëritur lutjen për qytetarët që të qëndrojnë në shtëpi, dhe shprehet se shëndeti i të gjithëve është kryesori.
Tradicionalisht Dita e Verës është festuar në Elbasan me ballokumen dhe koncertet muzikore të artistëve të njohur, por ky vit do të jetë ndryshe.
Postimi i plotë:
Ditën e Verës2020 shumë qytetarë kishin menduar ta festonin në #Elbasan për t’u argëtuar me aktivitetet e parashikuara, për të shijuar gatimet tradicionale, ballokumen tipike dhe për të vizituar pikat turistike të qytetit.
Sa bosh duket shtëpia jonë pa të gjithë ju, miqtë tanë që nuk na mungoni asnjë vit. Por shëndeti i të gjithëve është shumë i rëndësishëm.
U kemi premtuar një festë shumë më të madhe vitin e ardhshëm, por ndërkaq po ju sjellim disa copëza nga Elbasani ynë i luleve në 3D.
Gëzuar Ditën e Verës me plot shëndet në familjet tuaja!
