Olsa Muhameti, producentja ekzekutive e ‘Big Brother VIP Kosova 3’ ka deklaruar në një intervistë se kasti i këtij edicioni do të jetë vërtet i veçantë dhe personazhet kanë histori unike. Ajo nuk zbuloi emra, por një prej të famshmëve që është aluduar në media është këngëtari Mehedin Pergjeçaj, i njohur si Meda.
Media ‘Indeksonline’ ka kontaktuar vetë me të për ta pyetur nëse do të jetë pjesë e formatit. Këngëtari ka kthyer përgjigje negative, duke mohuar zërat që qarkulluan lart e poshtë.
“Jo, nuk do jem pjesë e këtij formati”, është shprehur shkurtimisht.
Na ndan vetëm një javë nga startimi i këtij reality-show dhe atëherë do mësojmë se kush do jenë banorët.
