Vitin e kaluar Fjolla Morina dhe Fisnik Syla kryen ceremoninë e tyre martesore në Maldive.
Ndërkohë, agjencia turistike që i ka çuar ata atje, ka akuzuar së fundmi çiftin që nuk ka paguar çmimin e udhëtimit dhe se kanë një borxh ndaj kompanisë prej 18 mijë eurosh.
Pronari i kompanisë turistike ka bërë me dije me anë të një interviste se në momentin që duhet të paguante, Fisniku i dërgoi atij një transaksion bankar, që do të rezultonte i falsifikuar.
Ai tha se Syla nuk e pagoi borxhin e tij ndaj kompanisë, përveç tre mijë euro të paguar në dy transaksione të ndryshme. Dhe si rrjedhojë nga 21 mijë euro sa ka kushtuar pushimi gjithsej, ka mbetur në borxh për pjesën tjetër prej 18 mijë eurosh.
Fjolla Morina ka reaguar së fundmi ndaj këtij lajmi duke thënë se nuk është në dijeni për marrëveshjen e Fisnik Sylës me agjencinë.
“Reagim; Unë nuk kam qenë në dijeni se cila ishte marrëveshja në mes Fisnik Sylës dhe agjencionit për blerjen e biletave. As nuk kam qenë në dijeni se si u krijua besimi në mes agjencionit dhe Fisnikut, apo cila ishte arsyeja e kësaj marrëveshjeje! Krejt këto janë bërë pa dijeninë time! Unë këtë gjë e kam kuptuar më vonë. Andaj, që nesër do përgatitet avokati për ushtrimin e padisë për të gjithë ata që më apostrofuan emrin nëpër portale! Një ashtu edhe një kallëzim penal për ‘gazetaren’ veprën penale; Përgjim të paautorizuar! Edhe një punë e mirë për ty avokat Fanol Krasniqi”, -shkruan ajo.
