Kylie Jenner po sigurohet që klientët e saj të “Kylie Cosmetics” të dinë se të gjitha protokollet sanitare janë në rregull, duke shpjeguar se siguria e produkteve të saj është diçka për të cilën ajo kujdeset vërtet.
Deklarata vjen pas një akuze të fundit që pretendonte se ajo kishte shkelur protokollet sanitare të laboratorit të kozmetikës në laboratorin e saj “Kylie Cosmetics”. Pas një serie fotosh dhe videosh që tregojnë Kylie-n duke ndërvepruar me pajisjet laboratorike dhe produktet e testimit ndërsa ka veshur një pallto laboratori, por pa një rrjetë flokësh, maskë ose doreza.
Kevin James Bennett vendosi të ripostojë fotot në llogarinë e tij në Instagram, duke theksuar se Kylie nuk po merrte parasysh sigurinë dhe higjienën në krijimin e produkteve. Ai gjithashtu komentoi që Kylie organizoi fotot për të promovuar markën.
“Më duhet emri i laboratorit sepse dua të sigurohem që klientët e mi të mos punojnë kurrë me ta,” tha Kevin.
“Njerëz, kjo nuk është mënyra se si ne krijojmë kozmetikë dhe keqinterpretojmë se si funksionon industria jonë. Prodhuesit e besueshëm ndjekin protokolle të rrepta sanitare për t’ju mbrojtur.”
Kylie vendosi t’i përgjigjet akuzave, duke shpjeguar se fotot nuk janë bërë në një fabrikë prodhimi, por në vend të kësaj ato janë vënë në skenë në një “hapësirë personale” ku asaj i pëlqen të eksperimentojë dhe të krijojë “mostra”.
“Unë nuk do t’i anashkaloja kurrë protokollet sanitare dhe as ndonjë pronar tjetër i famshëm apo marke bukurie nuk do e bënte. Kjo është krejtësisht e papranueshme, jam dakord”, tha ajo.
“Askush nuk po i vë klientët në rrezik! Turp për ty Kevin për përhapjen e informacionit të rremë !!!!”
