Tuzi u mbulua mbrëmjen e së dielës me flamujt kuq e zi, ndërsa në rrugët e vendit nisi muzika dhe kërcimi! Shqiptarët në Malin e Zi festuan fitoren e zgjedhjeve lokale, pasi Nik Gjeloshaj u shpall fituesi.
Ai ishte kandidat i përbashkët i koalicionit të tre partive: Alternativa Shqiptare, Lidhja Demokratike Shqiptare dhe Unioni Demokratik Shqiptar, të cilët u bashkuan nën siglën “Malësia na bashkon”.
“Në malësi fitojnë shqiptarët”, tha Gjeloshaj gjatë fjalimit të tij.
Gjeloshaj arriti të merrte rreth 50% të votave, ndërsa u ndoq nga partia e kryeministrit Milo Gjukanoviç.
Tuzi u nda nga Podgorica më 1 shtator 2018 dhe bëhet komuna e dytë e Malit të Zi, që drejtohet nga shqiptarët, pas komunës së Ulqinit.
