Qyteti i Vatikanit është mbushur sot me dhjetëra mijëra njerëz nga e gjithë bota, të cilët janë mbledhur në sheshin e Shën Pjetrit për t’i bërë nderimet e fundit Papa Françeskut, i cili ndërroi jetë pas një përballjeje të gjatë me probleme shëndetësore.
Turma të heshtura, me lot në sy, me lutje dhe qirinj në duar, qëndrojnë duke u lutur dhe përshëndetur figurën e një prej papëve më të dashur dhe më të përulur të kohëve moderne. Për shumë besimtarë, Papa Françesku përfaqësonte zërin e së vërtetës, të thjeshtësisë dhe të dashurisë së pakushtëzuar për njerëzimin.
