Është viti i 90 i jetës së saj! Mbretëresha Elizabetë e 2-të ka parë me sytë e saj më shumë ngjarje nga ç’mund të ketë dëshmuar shumica e njerëzve. Mijëra dashamirës shpërtheu në një interpretim aty për aty të këngës tradicionale “Gëzuar Ditëlindjen” pasi Mbretëresha arriti në Windsor për të shënuar 90-vjetorin. Mbështetësit e saj të zellshëm u shfaqën me flamujt e Britanisë dhe balona gjigante ku shkruhej “Gëzuar Ditëlindjen e dashur Mbretëresha Elizabetë”, ndërsa banda trumbetave luanin muzikën.
I shoqëruar nga Duka i Edinburgut, mbretëresha kaloi kohë duke takuar dhjetëra mbështetës, shumë prej të cilëve ishin duke pritur për orë të tëra, para se të vazhdonte turneun e saj në qytet me makinën e saj të hapur sipër tip Range Rover.
Moment historik do të shënohet me një sërë ngjarjesh në të gjithë qarkun, duke kulmuar me një darkë private të veshur “chic” organizuar nga Princi Charles për miqtë e ngushtë dhe familjen.
Kryeministri David Cameron sot bëri homazhe për “shkëmbin e kombit”, duke shtuar se “ka jetuar nëpër kohë të jashtëzakonshme”.
Ndonëse ajo është lindur më 21 prill, ditëlindja e saj zyrtare do të festohet në qershor, në ditën më me diell të Britanisë së famshme për motin e zymtë plot re.
Një traditë kjo e nisur që në vitet ‘700 për të nderuar monarkun e Mbretërisë së Bashkuar me ditën më të mirë të vitit. Dhe çdo vit në qershor, diellin britanik t’ia falin asaj me festime, maratona dhe parada përgjatë një ditëlindjeje 6-javëshe.
Por që prej 2 qershorit të 1953-shit, Mbretëria e Bashkuar nderon një monark grua.
Ajo është mbretëreshën që ka thyer aq shumë rekorde jetëgjatësie, ngjarjesh historike por edhe skandalesh mbretërore. E megjithatë, Elizabeta nuk ka ndërmend të heqë dorë pavarësisht kohës së gjatë dhe me shëndetin e saj ende të mirë pas 63 vitesh mbretërim, ajo mbetet shumë popullore.
Në një sondazh të 2016-s, 73% të shtetasve të Mbretërisë së Bashkuar u shprehën të kënaqur nëse Mbretëresha Elizabetë do të vazhdojë të mbajë kurorën.
Burimi: Daily Mail
