Duket se Turjan Hysko nuk do të pushojë aspak këtë verë, pa vënë punën përpara për sezonin e ri televiziv. Më herët u njoftua se në vjeshtë do të nisë spektakli i humorit “Duplex”, mirëpo ky nuk qenka angazhimi i vetëm i Turjan Hyskos në ekranin e televizionit “Klan”.
Përmes një postimi në Facebook, Turi ka publikuar spotin promovues të emisionit më të ri që do të nisë në muajin shtator, ku në fokus kryesor do të jetë familja shqiptare. Turi i bëri thirrje të gjitha familjeve shqiptare të aplikojnë për të qënë pjesë e programit, pa dhënë shumë detaje.
https://www.facebook.com/thyska/videos/10156513771609719/
Mirëpo ky nuk është një format i ri që Turi po tenton të sjellë për herë të parë, pasi disa vite më parë në ekranin e “Vizion Plus” ai shfaqi të njëjtin program, me të njëjtin titull, ku familjet shqiptare konkuronin përballë njëra-tjetrës. Mesa duket, moderatori shqiptar beson shumë tek ky format dhe po e risjell edhe njëherë për publikun.
https://www.youtube.com/watch?v=5bF9vqUibIs
