Mbrëmjen e stome në emisioni “Dua të të bëj të lumtur” ishte një i ftuar special i cili u surprizua nga nëna e tij. Moderatori i njohur Turjan Hyska përjetoi mbrëmjen e sotme surprizën më të bukur të jetës së tij.
Turjan Hyskën e kemi parë gjithmonë si një personazh të fortë e karizmati, por asnjëherë nuk e kishte rrëhyre jetën e tij. Kur ishte adolëshent, babai i tij ndërroi jetë dhe ai u përball me vështirësitë e jetës. I duhej të kujdesej për të ëmën dhe vëllanë e tij të vogël.
Turi ishte ftuar në emisionin “Dua të të bëj të lumtur” nga nëna e tij për ta falenderuar për gjithçka që ai ka bërë deri më sot për të.
Letra emocionuese e të ëmës e preku Turin dhe ai nuk mund t’i mbante kurrësesi lotët.Më pas ai rrëfue edhe disa pjesë të jetës së tij private që nuk i kishte treguar kurrë më parë.
“Nuk kam dashur kurrë që jeta ime private të shfaqet në ekran, por dua të them që lufta për të jetuar mirë i bën ata që ndodhen sipër të jenë krenarë për ne. Depresioni dhe rënia nuk i shërben askujt, madje i lëndon më shumë ata që janë larguar. Për mua s’ka gjë më të shtrenjtë se familja”, u shpreh Turi.
Përveç mamasë, Turin e surprizoi edhe vëllai i tij, Elio. Ai e falenderoi Turin që kishte shërbyer si model për të, që ndihmuar dhe i kishte qëndruar pranë gjatë gjithë kësaj kohe.
Natyrisht që ëmbëlsira ishte për në fund. Bashkëshorjta e tij, Orinda Huta e surprizoi në mënyrën më të bukur të mundme. Nëpërmjet një letre ajo i shprehu plot emocion dashurinë e madhe që ndjen për të.
Në këtë pjesë nuk mungoi edhe një pyetje nga Arbana se kur do të bëhen prindër.
“Shumë shpejt. E gjithë familja jonë e ka me qejf”, tha Turi.
Për ta përmbyllur këtë natë magjike në emision erdhi dhe këngëtarja e tij e preferuar, Aurela Gaçe.
