Një turiste gjermane është rrëzuar ditën e sotme nga ujëvara në zonën e Çarçovës në Përmet, duke pësuar lëndime serioze në kokë dhe në disa pjesë të trupit.
Ajo është dërguar menjëherë në Spitalin Rajonal të Gjirokastrës, e ndërsa gjendja e saj ishte e rëndë është përcjellë përpara pak çastesh me helikopter për në Spitalin e Traumës në Tiranë.
Turistja gjermane me inicialet G.U. ishte pjese e një grupi turistësh gjermanë që ishin duke vizituar kurorën e gjelbër në Çarçove dhe teksa ishte duke fotografuar, ka rënë në ujëvarë ku dhe është lënduar rëndë në koke.
