Ne besojmë se edhe ne po të ishim në vendin e kësaj turisteje nga Kina do të na ndodhte e njëjta gjë. Asaj i ranë të fikët pasi theu aksidentalisht një byzylyk me gurë xhade, me një çmim prej 38 mijë euro.
Gruaja po vizitonte një dyqan të byzylykëve xhade në Ruili Siti, në jug-perëndim të Kinës, kur aksidentalisht theu një byzylyk teksa po e provonte. Fatkeqësisht për të, objekti u nda në dysh, raporton “People’s Daily Online”.
Pamjet tregojnë gruan e cila pëson shok kur mëson çmimin e byzylykut. Xhade është një produkt luksoz në Kinë dhe përfaqëson shëndetin e mirë dhe jetën e gjatë.
Pas incidentit, pronari i dyqanit tha se vlera e byzylykut ishte 38 mijë euro. Familja e turistes i ofroi atij 9 mijë euro, megjithatë ai refuzoi duke thënë se kjo nuk ishte e mjaftueshme.
Ndërsa një ekspert i pavarur e vlerësoi vlerën e tij rreth 23.5 mijë euro, shumë të cilën familja e saj pranoi ta paguante.
Burimi: Daily Mail
