Pas lajmit që moderatori Turjan Hyska do të largohet nga “Vizion Plus” për të shkuar në televizionin “Klan”, bashkë me trupën e spektaklit “Apartamenti 2XL”, të gjithë po pyesin se çdo të ndodhë me Orinda Hutën.
Emisionin i saj “Cover” në “Vizion Plus”, tashmë ka mbaruar dhe nuk e dimë nëse ajo do të vijojë të qëndrojë në atë televizion.
Megjithatë duket se shumë ndjekës nostalgjikë të Orinda Hutës si këngëtare, kërkojnë një kthim të saj në skenë.
“A do dalësh përsëri në skenë?”, e ka pyetur një nga ndjekësit. Orinda është përgjigjur duke thënë se do të donte të dilte në skenë me diçka shumë të mirë: “Nuk e kam vendosur akoma, por do punoj për të bërë diçka të bukur”, ka thënë ajo.
Mbetet për t’u parë nëse këngëtarja do të sjellë një produksion të ri muzikor apo do të vijë sërish si moderatore.
