Moderatori i njohur Turjan Hyska ishte i ftuar tek “Rudina” , ku foli për herë të parë për dasmën, karrierën , njohjen me Orindën dhe planet për fëmijë. Nuk mund të shpëtonte pa folur edhe për grupin e dikurshëm “Produkt 28”, të cilët nuk vazhdojnë të prodhojnë më muzikë.
Produkt 28, një prej grupeve më të dëgjuara dhe më të preferuara të viteve 2000, ka qenë edhe grupi i preferuar i moderatores së njohur të ekranit, Rudina Magjistari. Këtë preferencë, ajo e ka thënë edhe herë të tjera në publik, por Turi nuk e kishte dëgjuar më herët.
“Të të pëlqejë Rudina është goxha vlerësim”, – tha ai ndërsa moderatoja ia ka deklaruar publikisht hapur preferencën dhe njëkohësisht keqardhjen që djemtë e talentuar nuk vazhdojnë të prodhojnë më muzikë si dikur.
Turi tha se muzika, përveç të tjerave është kimi që ose e ke, ose nuk e ke. Fabi dhe Albani, dy miqtë e tij të grupit, kanë qenë më të talentuar, ndërsa Turi kishte tekstet.
“Dy çunat kanë qenë më të talentuar se unë, unë kam pasur tekstet, por muzika është kimi. Kur fillon të bëhet muzikë për hir të … nuk vlen më. Sot kanë ndryshuar kohët, atë kohë dhe atë lloj morali, unë them se e kemi bërë mjaft mirë atëherë…” – tha Turi.
Meqë merrej me tekstet Turi, ka pasur edhe një varg për Rudinën, dikur, me këngën “Miss im”. Kënga konkurrente në Këngën Magjike të vitit 2008 u pëlqye shumë në publik, ashtu si shumë këngë të tjera të djemve. Edhe për shkak të vargjeve që kishte brenda.
“Unë njoh e misin/ Do të jetë si Fatos Nano/ Dëgjon Inva Mulën/ Adhuron dhe Celentanon/ Kontrollon si Jozefina/ E ka zemrën si Rudina/ Me buzë si Angelina/ Performon si Adelina…”
Turi sqaroi se “Miss-i” në atë kohë ishte në kontekstin fizik shëmbëlltyra e zonjës së bukur me të gjitha tiparet dhe veçoritë e këtyre grave…
