Ka të paktën 5 truproja që e shoqërojnë kudo dhe dhjetëra fansa që e ndjekin kudo pavarësisht se është vetëm 20 vjeç. Bella Hadid është një nga modelet më të kërkuara gjatë Javës së Modës në Nju-Jork, ku u shfaq gjithmonë nën shoqërinë e personave që kujdeseshin për sigurinë e saj.
Pas sulmit të motrës së saj Gigi në Javën e Modës në Milano vitin e kaluar, nëse e keni harruar, një njeri i çuditshëm e mbajti atë në krah, Bella ka rritur sigurinë.
Por kur ata nuk sillen mirë më paparacët e shumtë që e ndjekin kudo, Bella nuk toleron. Në përfundim të sfilatës së Michael Kors, teksa po u largonte për në makinën që e priste pak metra më tutje, një nga truprojet u duk se shtyu një grua fotografe për t’i bërë vend Hadid. Kjo gjë nuk i ka pëlqyer aspak modeles 20- vjeçare.
“A mundet, ju lutem, mos e prekni”, i tha Hadid truprojes, i cili pretendon se nuk e shtyu fotografen.
Bukuroshja nuk u largua pa u siguruar që fotografja ishte mirë. Në video dëgjohet teksa Bella e pyet atë: “A jeni mirë”?
Iu drejtua edhe një herë truprojes duke i thënë që të mos prekte njeri dhe më pas u largua për nga makina që e priste.
Burimi: TMZ
